Fillkov: Për shkarkimin e Ljupço Kocevskit nuk varemi vetëm nga Këshilli i Prokurorëve

21:10 | 15 Shkurt 2025
Q L

Ministri i Drejtësisë i Maqedonisë së Veriut, Igor Fillkov ka thënë se edhe në rast se Këshilli i Prokurove Publik jep mendim negativ për propozimin për shkarkim të prokurorit shtetëror publik, kjo nuk do të thotë se ka përfunduar procedura.

Fillkov theskoi se çdo mendim nga Këshilli i Prokurorëve Publik është i rëndësishëm për këtë procedurë, por sqaroi se Ministria e Drejtësisë dhe Qeveria nuk do të udhëhiqen vetëm nga mendimi i një organi nëse, siç tha, mbështeten persona të cilët nuk e realizojnë profesionalisht mandatin e tyre.

“Ministria e Drejtësisë dhe Qeveria kanë obligim t’i ndërmarrin të gjithë masat ligjore dhe ta respektojnë procesin e paraparë në Ligjin për Prokurori Publike, duke përfshirë edhe mundësinë për ngritje të procedurës procedurës para Kuvendit të Republikës së Maqedonisë së Veriut”, tha Filkov./telegrafi/