Në seancën e nesërme për rastin ‘Haraçi’ do të dëshmojë prokurorja Elizabeta Josifovska, e cila është zëvendësuesja e Janevës në PSP.

Në rastin ‘Haraçi’, i dyshuar i parë është Bojan Jovanovski, i cili dyshohet për larje parash dhe për ndikim të paligjshëm ndërsa Janeva akuzohet për keqpërdorim të pozitës zyrtare dhe autorizimeve, përcjell Telegrafi Maqedoni.

I akuzuari i tretë është Zoran Milevski, i cili që në seancën e parë e pranoi fajin për veprën dhe morri tre vite burg.

Prokurorja Josifovska nesër do të dëshmojë për atë se si Jaenva ka trajtuar rastin ‘Perandoria’ ku në mesin e të akuzuarve është edhe dëshmitari në rast, Orce Kamçev.

Përveç tij, deri tani kanë dëshmuar edhe bashkëshortja e tij, Ana Kamçev por edhe biznesmenë të tjerë.