Portali ekonomik “Seenews” citon Bankën Botërore (BB) të ketë thënë se varfëria në Maqedoni pritet që të vazhdoj të bie gjatë periudhës 2018-2020, pasi që rritja ekonomike e vendit pritet të arrij në 2,7%, gjatë kësaj periudhe.

Në Pikëpamjet për Makro Varfërinë për Evropë dhe Azinë Qendrore të BB-së, parashihet që rritja ekonomike e Maqedonisë të jetë 2,3% në këtë vit, për t’u rritur në 2,7% më 2019, dhe në 3,0%, në 2020, përcjell Telegrafi Maqedoni.

Sipas BB-së, Norma e varfërisë në Maqedoni pritet të bie nga 21,4% që ishte para një viti, në 20,5% për këtë vit, dhe 19,3% për vitin 2020.

Rritjet e transfereve sociale pritet të mbështetin rënien e varfërisë, kurse investimet në infrastrukturë duhet të ndihmojnë krijimin e vendeve të punës, thotë raporti i BB-së.

Inflacioni pritet të lëvizë nga 1,6% në 2,0%, në vitin 2019 dhe 2020.

Rreziku që vazhdon të mbetet është kontributi i pakët në Bruto Prodhimin Vendor (BPV) dhe rritja e deficitit të sistemit të pensionit.