Fakulteti i Inxhinierisë së Ndërtimit është një nga institucionet kryesore arsimore që ndikojnë praktikisht në ndërtimin e përgjithshëm në vend, i cili është një nga shtyllat e zhvillimit ekonomik të vendit. Nëse duam një ekonomi të shëndetshme, duhet të kemi një staf të arsimuar në këtë fushë, tha zv. kryeministri Koço Angjushev sot në festimin e 70-vjetorit të Fakultetit të Inxhinierisë së Ndërtimit në Shkup.

Ai theksoi se sot është e vështirë të gjesh një inxhinier të mirë ndërtimi, dhe që të mos jetë i paguar mirë.

“Unë këtë e njoh nga bashkëpunimi me të gjitha ndërmarrjet e ndërtimit. Unë mendoj se sidomos për inxhinierët e ndërtimit, pagat rriten me shpejtësi dhe kjo është vetëm një nga kushtet që këta të rinj të gjejnë të ardhmen e tyre në vendin tonë. Sigurisht, ata gjithashtu duhet të kenë një mjedis më të mirë, një gjendje të qëndrueshme, një sistem të mirë shëndetësor, në mënyrë që të mos largohen këtu”, tha Angjushev, në lidhje me problemin e ikjes së profesionistëve të rinj nga vendi.

Ai tha se faktet tregojnë se pagat janë rritur për 10 përqind në dy vitet e fundit.

“Unë ju garantoj sa i përket stafit inxhinierik ata janë rritur më shumë”, tha zv. kryeministri.