Bukuria vjen me një çmim, që të gjitha femrat duket se paguajnë në varësi të asaj çfarë kërkojnë.

Nxirja articiale , flokët e shtuara, vetullat tatuazh, operacionet plastike dhe ndërhyrjet estetike mund të kenë jo pak efekte anëse, por ajo që nuk dinit është se dhe një manikyr apo pedikyr i thjeshtë shoqërohet me disa probleme shëndetësore.

Sipas WebMD manikyrët mund të përmbajnë kimikate toksike si dibutil ftalati, toluen dhe formaldehid,.

Të tre kimikatet e përfshira në studim konsiderohen si një “trio toksike” sepse ekspozimi për një kohë të gjatë ndaj këtyre kimikateve specifike mund të çojë në probleme serioze shëndetësore.

Toluen: Përdoret për të mbajtur përbërësit e mnikyrit të bashkuar në formë likuide dhe gjendet gjithashtu në benzinë. Ekspozimi ndaj këtij kimikati shkakton dëme në sistemet nervore dhe riprodhuese. Simptomat përfshijnë dhimbje koke dhe acarim të syve e fytit.

Formaldehidi: Ky kimikat i shtohet manikyrëve si një agjent i ngurtë për të dezinfektuar manikyret . Ekspozimi për një kohë të gjatë ndaj këtij kimikati është i lidhur me rritjen e shpejtë të qelizave anormale.

Dibutil ftalat: Sipas Business Insider ky përbërës është i ndaluar në disa vende evropiane,pasi është i njohur si një përbërës që shkakton dëme në organet riprodhuese.