Njerëzit që përpiqen të humbasin peshë ose të mbajnë një peshë të shëndetshme hanë vakte me sasi të kufizuar ushqimi.

Kjo lloj diete është e vështirë për t’u mbajtur në afat të gjatë dhe për shkak të kësaj, pas një periudhe të caktuar, ata përsëri fitojnë peshë. Nga ana tjetër, njerëzit që mbajnë peshë të shëndetshme pa u dorëzuar janë një burim i pashtershëm informacioni për ekspertët, transmeton portal arbresh.info

Qendra Kërkimore Teknike VTI në Finlandë studioi zakonet e të ngrënit të 147 njerëzve të shëndetshëm me peshë të shëndetshme për katër muaj.

Studimi i udhëhequr nga doktoresha Ana-Lina Vurien zbuloi se njerëzit e shëndetshëm hanë tre lloje ushqimesh për mëngjes.

Rutina 30-minutëshe që duhet të ndiqni çdo mëngjes

Frutat ishin zgjedhja më e popullarizuar për 51 për qind të të anketuarve, 41 për qind hanë produkte qumështi, ndërsa 33 përqind konsumojnë drithëra.

Edhe pse buka dhe produktet e furrës konsiderohen si burim i kalorive të panevojshme, deri në 32 për qind e të anketuarve e nisin ditën e tyre me këtë lloj ushqimi.

Gjëja më interesante është se vetëm 26 për qind e të anketuarve kanë pranuar se pinë kafe në mëngjes, ndërsa pjesa tjetër, 74 përqind shkojnë në punë dhe kryejnë detyrat e tyre pa ndihmën e kafeinës.

“Në vend që të kufizoni dietën tuaj dhe të shmangni ushqimet tuaja të preferuara, mbipesha ose shtimi në peshë mund të parandalohen nëse një individ mëson të dëgjojë nevojat e trupit të tij, duke preferuar cilësinë mbi sasinë kur bëhet fjalë për vaktet”, tha doktoresha Ana-Lina Vurinen./arbresh.info/