Një studim i fundit i kryer nga Cambridge University ka gjetur se nënat e pakënaqëura flasin më shumë me foshnjat djem, me qëllim të kompensimit të marrëdhënies së dobët që kanë me babanë e fëmijës.

Hulumtimi i botuar në “Journal of Family Psychology”, ka analizuar marrëdhënies mes 93 grupe të prindërve dhe ka matur se sa nënat flisnin me fëmijën e tyre shtatë muajsh duke përdorur një pajisje regjistrimi të bashkangjitur me veshjen e foshnjës së tyre, transmeton portali arbresh.info

Studimi ka gjetur se sa më shumë pakënaqësi raportoheshin në një çift, aq më shumë nënat flisnin me fëmijët e tyre.

Gjetjet u bënë edhe më të spikatura kur u shikua edhe gjinia e fëmijës.

Mesatarisht, nëna që raportuan një marrëdhënie “me cilësi të ulët” me partnerin e tyre, përdornin rreth 35 përqind më shumë fjalë kur flisnin me djalin e tyre gjatë gjithë ditës, në krahasim me një nënë, marrëdhënia e së cilës ishte “mesatare”.

Dr Elian Fink, nga Qendra për Kërkime Familjare dhe Fakulteti i Edukimit, në Universitetin e Cambridge tha se “ne gjetëm që nënat investonin të gjithë energjinë e tyre në marrëdhënien me gjininë mashkullorë, nënë – bir, me qëllim që të kompesonin marrëdhënien e dobët me burrat e tyre”.

Ndërkaq, studimi gjeti se marrëdhëniet nënë-vajzë janë më shumë një reflektim ndaj vetëvetes, sesa ndaj partnerit të tyre. /arbresh.info/