Një zyrtar policor ka humbur jetën sot në një aksident trafiku në rrugën “Zagrebi” në Prishtinë.

Enis Pllana, zëdhënës i policisë për Prishtinën ka bërë të ditur se viktima ka ndërruar jetë para se të ndodhte aksidenti, shkruan Arbresh.info.

Siç raportohet në media, zyrtari policor ishte kthyer sot në punë pas pushimit mjekësor disaditor.

“Sot rreth orës 06:30 në rrugën “Zagrebi” në Prishtinë, ka ndodhur një aksident trafiku, ku ka qenë e përfshirë një veturë. Njësitet policore dhe emergjenca kanë dalë menjëherë në vendin e ngjarjes, ku nga këta të fundit është konstatuar vdekja e viktimës (zyrtar policor), që dyshohet të ketë ndodhë para aksidentit. Me rastin është duke u marrë Njësia Rajonale e Trafikut, ndërsa hetimet janë në zhvillim për të sqaruar shkaqet e sakta të aksidentit”, thuhet në konfirmimin e Pallanës./Arbresh.info

LEXO EDHE:

Aksident trafiku në Prishtinë, vdes një zyrtar policor