Zvicër: Plagoset rëndë një shqiptar 21-vjeçar

10:18 | 28 Tetor 2019
M. A.

Rreth orës 5 të mëngjesit të së dieles, në një klinikë të Cyrihut është sjellë në gjendje shumë të rëndë nga plagët e marra një i riu shqiptar E. A. (emri i njohur për redaksinë).

Siç merr vesh albinfo.ch nga burimet e saj në St.Gallen, E. A., 21-vjeçar është therur pa asnjë shkak nga një afrikan i moshës 23-vjeçare. Goditja me thikë i është bërë afër zemres dhe dy të tjera në bark. Duke pësuar kështu gjakderdhje të madhe deri sa ka ardhur ndihma e parë.

Ndërhyrja kirurgjikale e të riut me prejardhje nga Gjilani ka zgjatur disa orë. Ai ende nuk është në gjendje të flasë, por gjendja e tij tregon se është jashtë rrezikut për jetën.

Therja ka ndodhur para klubdiskotekës “Ivy” në St. Gallen, një lokal me frekuentim të madh të të rinjve.