Ministri i Shëndetësisë, Armend Zemaj, ka vizituar sot Komunën e Pejës ku është pritur nga i pari i saj Gazmend Muhaxheri.

“Sot në mesditë me kryetarin e komunes së Pejës, z. Gazmend Muhaxherin dhe stafin e tij, bëmë një vlerësim të situates epidemiologjike si dhe u dakorduam që shtabi emergjent të vazhdojë të jetë në gatishmëri, të decentralizohen shërbimet shëndetësore , inspektoratet të jetë aktiv maksimalisht që të ndikohet e të respektohen rregullat anti-Covid-19”, është shprehur Zemaj.

Zemaj gjithashtu sot ka vizituar edhe Qendrën për Mirëqenien e Gruas.

“U njoftova nga menaxhmenti i kësaj organizate joqeveritare për kapacitetet e këshillimit për nevojat shëndetësore, sociale, arsimore, psikologjike, ligjore dhe sociale për gratë dhe fëmijët që kanë përjetuar dhunë në familje për rajonin e Pejës”.

“Puna humane e QMG-së, në aspektin shëndetësor, do ta ketë përkrahjen brenda mandatit të saj, duke u gjendur pranë secilës grua dhe fëmijë që kanë përjetuar dhunë në familje”.

“Stop dhunës në familje!”.