Deputeti i Lidhjes Demokratike të Kosovës (LDK), Armend Zemaj, tregon se që nga largimi i presidentes Vjosa Osmani nga LDK-ja, ai nuk ka pasur asnjë kontakt me të, përveç kontakteve të zakonshme institucionale.

Zemaj theksoi se Osmani ka zgjedhur që të shkojë me një parti krejtësisht ndryshe ideologjikisht me LDK-në, si dhe largimi i saj nga kjo parti e ka rritur elektoratin e VV-së dhe e ka dëmtuar LDK-në.

“S’e kam taku asnjëherë personalisht, as s’e kam pa, përpos në distancë, në kontaktet institucionale. Por, rrugët tona politike janë ndarë, ajo e ka bo zgjedhjen e saj të garës me një subjekt që skajshmërisht është dallues në kuptimin ideologjik dhe konceptual, sepse e djathta dhe e majta ekstreme nuk e di se si e kanë bo kompozimin, po është përshtat në pjesën e popullizmit dhe të dëmtimit për LDK-në si dhe të rritjes së votës elektorale për Lëvizjen Vetëvendosje.”, tha Zemaj në një intervistë për arbresh.info.

E para e vendit u largua nga LDK-ja në fundin e vitit 2020, ku në shkurt të 2021-ës garoi në një listë me VV-në, ku edhe fituan 51% të votave të qytetarëve, me synimin që Kurti të bëhej kryeministër, ndërsa Osmani presidente./EmirAbduramani/arbresh.info/Emir Abduramani/