Zafir Berisha i ka borxh 4000 euro për tatim në pronë

13:05 | 24 Maj 2017
Arbresh.info

Zafir Berisha, kandidat për deputet në Kuvendin e Kosovës, nuk po ia paguan komunës së Prizrenit më shumë se 4000 euro në emër të tatimit në pronë.
I kontaktuar nga “Zëri”, Berisha konfirmon se ka borxhe të papaguara në emër të tatimit në pronë.

“Po kam menduar qe kam më shumë. Edhe unë jam Kosovë. Ne këtë shtet kriminal që udhëhiqet nga bankat shume pak borxh kam në tatim në pronë. Para një muaji e kam bë një pagesë. Përgjigjja është që edhe unë jam Kosovë, si krejt qytetaret e Kosovës që kanë vështirësi me mbijetua në këtë shtet që udhëhiqet nga njerëzit e poshtër edhe unë jam i barabartë me të gjithë, por realisht kam menduar që kam më shumë borxh”, ka thënë Berisha për “Zëri”.

Zafir Berisha ishte nga themeluesit e PDK-së në Prizren, për shumë vite anëtar i Kryesisë së Degës, sekretar dhe 5 vjet edhe kryetar i saj.