Presidenti i Serbisë, Aleksandar Vuçiq nuk pajtohet me ekspozeun e përfaqësuesit të sekretarit gjeneral për Kosovën. Në ekspoze u përmend taksa ndaj produkteve serbe, dhe Ushtria e Kosovës.

“Serbia përmbushi të gjitha, marrëveshjen për polici, marrëveshjen për drejtësi, marrëveshjen e  telekomit, pranoi mbajtjen e zgjedhjeve sipas ligjeve të Kosovës,” tha Vuçiq, duke mos ju referuar Kosovës, siç e bënë zakonisht si “Kosovo Metohiji”, raporton arbresh.info.

Ai shtron pyetjen se në çfarë dokumenti e bazuan formimin e ushtrisë.

Vuçiq citon Kushtetutën e Kosovës, duke kritikuar mundësinë se ushtria nuk u bë as mbi bazën e kësaj Kushteute.

“Nuk gjetën pesë serbë ta votojnë, dhe nuk ju interesoi për ligjet dhe faktet dhe e formuan të ashtuquajturën Forca të Armatosura të Kosovës,” shprehet Vuçiq.

Këshilli i Sigurimit të Kombeve të Bashkuara po diskuton rezolutën 1244 të vitit 1999 për Kosovën, përballë Vuçiqit është edhe presidenti i Kosovës, Hashim Thaçi./arbresh.info/