Po bëhen gati dy muaj që kur një vrasje e trefishtë në Gjilan tronditi gjithë vendin.

Lidhur me vrasjen e rëndë, deri më tani ende asnjë person nuk është arrestuar, megjithatë policia është në kërkim të Mefail Shkodrës dhe dy djemve të tij Edonis dhe Engjull Shkodra.

Zëdhënësi i policisë për rajonin e Gjilanit, Ismet Hashai për Arbresh.info deklaroi se policia është duke punuar në mënyrë intensive për arrestimin e të dyshuarve.

“Po punojmë intensivisht për arrestimin e të dyshuarve për vrasje të trefishtë. Në momentin që kemi ndonjë zhvillim në këtë drejtim do t’iu njoftojmë menjëherë”, bëri të ditur ai.

Kujtojmë se ngjarja e rëndë ka ndodhur me 10 gusht të këtij viti në një kafiteri në qendër të Gjilanit, dhe dyshohet se vrasja ka ndodhur për fajde./Arbresh.info

LEXO EDHE:

Vrasja e trefishtë që tronditi Gjilanin, këta janë tre të dyshuarit