Vodhi gjenerator dhe radiatorë në një qendër tregtare në Mitrovicë, arrestohet i dyshuari

20:28 | 28 Nëntor 2022
E.H

Një person është arrestuar në Mitrovicën e Jugut pasi që dyshohet se ditë më parë ka kryer veprën penale vjedhje.

“Hetuesit policor në kuadër të Stacionit Policor Jugu në Mitrovicë, gjatë ditës së sotme kanë arritur të identifikojnë dhe të arrestojnë një person të dyshuar për veprën penale vjedhje, rast ky i raportuar një ditë më parë në Mitrovicë”, thuhet në njoftim.

I dyshuari me inicialet S.Sh., 48 vjec në një qendër tregtare në Mitrovicë ka vjedhur një gjenerator, një radiatorë elektrik dhe gjësende të tjera, njofton Policia e Kosovës.

Sendet e vjedhura janë gjetur te i dyshuari dhe të njëjtat do të procedohen si dëshmi materiale.

Pas intervistimit, me urdhër të prokurorit të rastit i dyshuari është liruar në procedurë të rregullt./arbresh.info/