Lëvizja Vetëvendosje ka ftuar mërgimtarët që janë në shtetet afër Kosovës të vijnë për të botuar më 11 qershor. Ndërsa atyre që janë në shtet më të largëta, u ka kujtuar që të regjistrohen përmes internetit për votim, në mënyrë që të mund të votojnë përmes postës.

Këtë ftesë mërgimtarëve ua ka bërë ish-deputeti i Vetëvendosjes, Faton Topalli për një konference për media.

“Kanë mbet edhe 6 ditë kur është data e fundit për të aplikuar për votim. I ftojmë të gjithë ata që janë më afër Kosovës që ta blejnë një biletë dhe të vijnë të votojnë në Kosovë, ndërsa ata që janë më larg Kosovës i ftojmë që të përmes internetit të regjistrohen për votim… Pra edhe një herë ftojmë të gjithë mërgitarët që të vijnë në Kosovë që të votojnë, ata që janë afër… ta bëjmë ndryshimin në Kosovë”, ka deklaruar Topalli.

Ai ka thënë se Vetëvendosje edhe në të kaluarën ka pasur kandidat për deputetë nga Diaspora dhe se edhe për zgjedhjet e 11 qershorit do të ketë.