Kryetari i Aleancës për Ardhmërinë e Kosovës (AAK) e ka quajtur vendimin e Gjykatës Ndërkombëtare e Drejtësisë për pavarësinë e Kosovës si një nga momentet më të rëndësishme në historinë tonë.

Me anë të një postimi në Facebook, ai tha se ky vendim vulosi shtetësinë dhe të drejtën tonë të fituar me luftën çlirimtare, një hap ky i rëndësishëm drejt afirmimit të shtetit tonë sovran, shkruan Arbresh.info.

“Kosova duhet të vazhdojë të ndjekë vlerat perëndimore dhe të thellojë partneritetin e saj me miqtë dhe aleatët, veçanërisht me Shtetet e Bashkuara të Amerikës, si rrugë e vetme për të arritur qëllimet tona si shtet.  Zoti e bekoftë Kosovën!”, ka shkruar Haradinaj./Arbresh.info/

Ndryshe, sot bëhen 14 vjet që kur Gjykata Ndërkombëtare e Drejtësisë në Hagë ka shpallur vendimin këshillëdhënës, sipas të cilit deklarata e shpalljes së pavarësisë së Kosovës nuk ka shkelur të drejtën ndërkombëtare.

Me 10 vota pro dhe 4 kundër anëtarët e Gjykatës Ndërkombëtare të Hagës kishin vendosur në favor të Kosovës, duke refuzuar kështu kërkesën e Serbisë për shkelje të së drejtës ndërkombëtare./Arbresh.info/