Vdes një 26 vjeçar në Skenderaj, dyshohet se ra nga kati i tetë i banesës

22:59 | 24 Gusht 2025
E.G

Një 26 vjeçar ka vdekur pasi ka rënë nga kati i tetë i një objekti banesor në Skenderaj.

Lajmin për Arbresh.info e ka konfirmuar zëdhënësja e policisë për rajonin e Mitrovicës, Fexhrije Pllana e cila tha se rasti është duke u hetuar.

“Me datë 24.08.2025, rreth orës 21:00, policia në Skenderaj është njoftuar se një person kishte rënë nga kati i tetë i një objekti banesor dhe ishte transportuar menjëherë në emergjencën e QKMF Skenderaj. Njësitë policore kanë dalë menjëherë në vendin e ngjajres mirëpo pas një kohe të shkurtër, nga ekipi mjekësor ishte konfirmuar se personi 26 vjeçar, i gjinisë mashkullore, si pasojë e lëndimeve të pësuara kishte humbur jetën.”, ka thënë ajo.

“Të gjitha njësitë kompetente policore kanë dalë në vendin e ngjajres dhe janë duke u marrë me hetimin e rrethanave të rastit.”, u shpreh ajo./Arbresh.info/