Ministria e Shëndetësisë në masat kundër COVID-19 pati bërë të ditur se nga 13 shtatori 2021 të gjithë shërbyesit civilë obligohen të posedojnë certifikatën e vaksinimit për vaksinimin e plotë ose marrjen e një dozë të vaksinës kundër COVID-19 ose testin rapid negativ, jo më të vjetër se 48 orë.

E, si pasojë e mos marrjes së vaksinës anti-COVID-19, asnjë person nuk e ka e humbur vendin e punës në Kosovë, madje nuk ka pasur as edhe një ankesë.

Kështu thonë për arbresh.info nga Sindikata e Pavarur e Sektorit privat dhe nga Sindikata e Shërbimit Civil në Kosovë.

Edhe nga Inspektorati i Punës thonë se në të dhënat zyrtare nuk kemi ankesa dhe as raste për largim nga puna shkaku i mos marrjes së vaksinës anti-COVID-19.

“Duke ju referuar kërkesës suaj ju njoftojmë se bazuar në të dhënat zyrtare nuk kemi ankesa dhe as raste për largim nga puna shkaku i mos marrjes së vaksinës anti-COVID-19”, thuhet në përgjigje.

Kujtojmë se Kosova është duke u përballur me pandeminë COVID-19 tash e më shumë se 1 vit./A.Zeka/arbresh.info/