Ulutash takon ambasadorët e QUINT-it, Turqisë dhe BE-së: Përkushtim i palëkundur për sigurinë në Kosovë

17:51 | 21 Maj 2024
E.G

Komandanti i KFOR-it Ozkan Ulutash, i ka pritur në takim ambasadorët e vendeve të QUINT-it, ambasadorin e Turqisë Sabri Tunç Angili dhe Zëvendësshefen e Zyrës së Bashkimit Evropian në Kosovë, Eva Palatova.

Sipas njoftimit të KFOR-it, në këtë takim, temë kryesore ishte siguria në Kosovë dhe mbarë rajonin, shkruan Arbresh.info.

Aty u shpreh përkushtimi i palëkundur të Komunitetit Ndërkombëtar për stabilitetin rajonal dhe për përpjekjet dhe mbështetjen e përditshme të KFOR-it për dialogun e ndërmjetësuar nga BE-ja ndërmjet Kosovës dhe Serbisë.

“Ata ndanë pikëpamje mbi tendencat e sigurisë në Kosovë dhe në të gjithë rajonin, për angazhimin e palëkundur të bashkësisë ndërkombëtare për stabilitetin rajonal, dhe për përpjekjet e përditshme të KFOR-it dhe mbështetjen për dialogun e lehtësuar nga BE-ja” midis Kosovës dhe Serbisë, thuhet mes të tjerash në njoftimin e KFOR-it. /Arbresh.info/