Tre të vdekur dhe pesë të lënduar në rrugën magjistrale Mitrovicë-Pejë

20:26 | 26 Janar 2025
E.G

Tre persona kanë humbur jetën në një aksident të rëndë trafiku në rrugën magjistrale Mitrovicë – Pejë, përkatësisht në fshatin Çubrel.

Përveç tre viktimave, në këtë aksident kanë mbetur edhe disa persona të lënduar.

Kështu bën të ditur Fadil Nura, kryetar i komunës së Skenderajt.

“Një nga të cilët po lufton për jetën, ndërsa lutemi për të dhe për të aksidentuarit tjerë”.

Postimi i plotë i Nurës:

Sapo u njoftuam për një aksident me fatalitet të ndodhur në rrugën magjistrale Mitrovicë – Pejë, përkatësisht në fshatin Çubrel, ku për pasojë ka vdekur një person dhe janë lënduar disa të tjerë, një nga të cilët po lufton për jetën, ndërsa lutemi për të dhe për të aksidentuarit tjerë.

Në këto çaste të rënda, i shprehim ngushëllimet më të sinqerta familjes së të ndjerit, ndërkaq të lënduarve iu dëshiroj shërim të shpejtë!/Arbresh.info/