Prokuroria Themelore në Prishtinë ka dhënë detaje lidhur me operacionin e sotëm policor të koduar “Dritarja”.

Në njoftim thuhet se Policia e Kosovës në bashkëpunim të ngushtë me Prokurorin e shtetit në zbatimin e masave të veçanta hetimore në rrugën ‘’Vatra’’ Tophane në Prishtinë, kanë arrestuar tre (3) persona për vepër penale ‘’Blerja, posedimi, shitja dhe shpërndarja e paaautorizuar e narkotikëve, substancave psikotrope ose analoge’’ dhe ‘’Posedimi i paautorizuar i narkotikëve, substancave psikotrope ose analoge’’ si dhe një (1) person i dyshuar gjendet ende në arrati, përcjell Arbresh.info

“Gjatë bastisjes në shtëpinë e të dyshuarve janë sekuestruar si dëshmi si në vijim:
– Një (1) sasi e narkotikut të dyshuar për Kokainë me peshë 4.9 gram.
-Një sasi e parave të valutave të huaja.
-Peshore të vogël digjitale për matje të peshave të vogla me mbetje narkotikut.
-Shtatëmbëdhjetë (17) qese të vogla me narkotikë të dyshuar të llojit Kokainë me peshë të përgjithshme prej 4.4 gram.
-Dy (2) qese me narkotikë të dyshuar të llojit Kokainë me peshë të përgjithshme 45.9 gram.
-Shtatë (7) qese me narkotik të dyshuar të llojit Kokainë me peshë përgjithshme 1.7 gram.
-Dy (2) telefona celular njëri i tipit Iphone 16 dhe një i tipit Samsung .
Tri (3) qese me narkotik të dyshuar të llojit Kokainë me peshë totale 10.8 gram.
-Nëntë (9) fishek”, thuhet në njoftim.

“Prokurori i shtetit në përputhje me afatin ligjor do të parashtron kërkesën për caktimin e masës së paraburgimit ndaj të pandehurëve. Hetimet do të vijojnë deri në zbardhjen e plotë të veprave penale”, thuhet më tej në njoftim./Arbresh.info

LEXO EDHE:

Operacioni “Dritarja”, policia arreston disa persona në Prishtinë – sekuestron drogë e para