Trajkoviç: Çdokush nga Kosova serb apo shqiptar duhet të krenohet me Dua Lipën

13:10 | 20 Tetor 2020
A. B.

Ish-deputetja e Kuvendit serb, Rada Trajkoviç ka befasuar me postimin e saj të fundit.

Trajkoviç përmes një ‘tweet’, është shprehur krenare me suksesin e yllit kosovar me famë botërore, Dua Lipa, shkruan portali arbresh.info

“Çdokush nga Kosova – serb apo shqiptar – duhet të jetë krenar për suksesin global të kësaj vajze të re. Mbresëlënëse”, ka shkruar Trakoviç, teksa thotë se vlerësimi i kulturës, duhet të e bashkojë popullin e jo ta ndajë.

Reagimi i saj erdhi pasiqë albumi i Duas “Future Nostaglia” shkroi historinë sivjet duke u bërë albumi i parë i një artisteje femër që kryeson top listën e albumeve për dy javë rresht në Mbretërinë e Bashkuar.

Sukseset nuk ndalen këtu, pasi ky album po del të jetë albumi më i dëgjuar i vitit në platformën më të madhe të muzikës në botë, Spotify. /arbresh.info/