Në Ditën Botërore të Refugjatëve, presidenti Hashim Thaçi ka kujtuar të kaluarën tonë jo fort të largët të dëbimit nga okupatori serb.

Gjatë spastrimit etnik në Kosovë nga Serbia, dhunshëm u dëbuan mbi një milion shqiptarët në shtëpitë e tyre, shkruan Thaçi, transmeton portali arbresh.info.

Tutje ai thotë se si popull e dimë së miri se sa  e vështirë është të largohesh nga atdheu.

Ky është shkrimi i tij i plotë

Në Ditën Botërore të Refugjatëve kujtojmë të kaluarën tonë të hidhur. Me dhimbje kujtojmë spastrimin etnik, ku forcat policore dhe ushtarake serbe dëbuan dhunshëm mbi 1 milion shqiptarë nga shtëpitë e tyre. Jemi krenarë që i përballuam me dinjitet ato vite të vështira dhe përherë do u jemi mirënjohës të gjithë atyre që na mbështetën dhe na u gjenden pranë. Si popull e dimë më së miri sa vështirë është të largohesh nga atdheu, prandaj sot solidarizohemi me të gjithë ata që janë refugjatë nëpër botë.

Në këtë ditë simbolike kujtojmë edhe qershorin e vitit 1999 kur qytetarët tanë u kthyen masivisht në atdheun e çliruar. Atdhedashuria e madhe e tyre ishte dëshmi e forcës së popullit dhe kombit tonë për t’u rimëkëmbur, duke nisur gjithçka nga fillimi! HTH/arbresh.info/