Sapo ka përfunduar takimi mes presidentit të Kosovës, Hashim Thaçit dhe kandidatit për kryeministër të Kosovës, Albin Kurtit.

E i pari i vendit përmes një postimi në facebook ka bërë të ditur se i ka ofruar Kurtit, kohë shtesë edhe 48 orët e ardhshme për nominimin e kandidatit/kandidates për kryeministër të ardhshëm të Qeverisë, shkruan arbresh.info.

Thaçi ka shtuar gjithashtu se në rast se kjo nuk arrihet atëherë do të marrë veprimet e radhës kushtetuese dhe ligjore.

“Sapo zhvillova një takim të shkurtër me kryetarin e Lëvizjes Vetëvendosje, Albin Kurtin, në përpjekje për të implementuar rezultatin zgjedhor të Zgjedhjeve të Përgjithshme të 6 tetorit të vitit të kaluar.

Tashmë është bërë hapi i parë i rëndësishëm i konstituimit të Kuvendit të Republikës së Kosovës, për çka përsëri i përgëzoj deputetët e Kuvendit të Kosovës.
Nevoja e formimit të Qeverisë është jetike për shtetin dhe qytetarët e Kosovës. Z. Kurti sot nuk ishte i gatshëm të ofrojë propozimin e të nominuarit nga Lëvizja Vetëvendosje.

Si president i vendit do ta ushtroj autoritetin tim kushtetues dhe ligjor të ruajtjes dhe kultivimit të unitetit politik e qytetar dhe orientimit euroatlantik të shtetit të Kosovës.

Prandaj, kam vendosur që t’i ofroj z. Kurti kohë shtesë edhe 48 orët e ardhshme për nominimin e kandidatit/kandidates për kryeministër të ardhshëm të Qeverisë së Republikës së Kosovës, para se të marr veprimet e radhës kushtetuese dhe ligjore”, ka përfunduar Thaçi./arbresh.info/

Kurti tregon se çfarë i tha Thaçi brenda 15 minutave

Përfundon takimi Thaçi-Kurti, nuk zgjati as 15 minuta