Presidenti i Kosovës, Hashim Thaçi në tubimin komemorativ për Hilmi Haradinaj ka thënë se lajmin për vdekjen e tij e kanë marr me dhimbje.

“Ky lajm ishte i dhimbshëm për familjen, për Kosovën dhe kudo që jetojnë shqiptarët. Baca Hilmi nuk iu bashkëngjit UÇK-së por ishte një ndër themeluesit e parë të UÇK. Ishte embleme e UÇK-së. Baca Hilmi vazhdonte me këshillat dhe urtësinë e tij si çdo herë”, ka thënë presidenti i vendit, raporton arbresh.info.

Ai ka shtuar se kanë mbetur pa një bashkëluftëtar.

“Mbetëm pa një veteran, pa një njeri me zemër të madhe. Një burrë i dëshmuar për tërë kombin. Baca Hilmi nuk u dorëzua asnjëherë. Ai me dinjitet përballoi burgosjen dhe humbjen e djemve të tij. Ishte njeri me vlera të thella, i urtë, modest dhe trim. Baca Hilmi vdiq në qershor kur po shënohet çlirimi dhe pavarësia e vendit. Figura e tij meriton nderime shtetërore andaj më lejoni që dekoratën e 10 vjetorit të pavarësisë t’ia dorëzoj familjes së tij”, ka thënë presidenti Thaçi./Arbresh.info