Menjëherë pas votimit të qeverisë Hoti, ka ardhur edhe reagimi i parë i Presidentit të Republikës së Kosovës, Hashim Thaçi.

Ai, përmes një postimi në Facebook ka përgëzuar deputetët të cilët votuan pro kësaj qeverie.

“I përgëzoj deputetët e Kuvendit të Republikës së Kosovës për votimin e Qeverisë së re. Kjo është një ditë e rëndësishme për demokracinë tonë dhe për qytetarët e vendit. Qeverisë së re i uroj sukses në përmbushjen e programit qeverisës dhe i ofroj bashkëpunim të plotë në jetësimin e agjendës kombëtare dhe ndërkombëtare”, ka shkruar Thaçi.

Thaçi beson se me këtë qeveri do të fuqizohet partneriteti me SHBA-në dhe me të gjitha shtetet mike.

“Me bashkëpunim dhe koordinim ndërinstitucional mund ta rimëkëmbim ekonominë tonë dhe të lëvizim me hapa më të shpejtë drejt integrimit euroatlantik, duke e fuqizuar partneritetin me SHBA-në dhe me të gjitha shtetet mik”, është shprehur Thaçi.

Ndryshe, me 61 vota pro, 21 kundër dhe 1 abstenim u votua qeveria e Kosovës me kryeministër Avdullah Hotin/ arbresh.info

Postimi i plotë: