Thaçi e Haradinaj, diskutojnë me kryeministrin e Danimarkës, Lars Løkke Rasmussen

14:50 | 17 Maj 2018
Arbresh.info

Presidenti Hashim Thaçi dhe kryeministri Ramush Haradinaj janë takuar me kryeministrin e Danimarkës, Lars Løkke Rasmussen.

Gjatë takimit në samitin e Sofjes është diskutuar për marrëdhëniet ndërshtetërore, shkëmbimin ekonomik dhe avancimin e politikave të ambientit dhe të të drejtave të njeriut, përcjell Arbresh.info.

“Në Samitin e Sofjes, me kryeministrin Haradinaj kishim një takim bilateral edhe me Kryeministrin e Danimarkës, Lars Løkke Rasmussen. Ne biseduam për marrëdhëniet ndërshtetërore, shkëmbimin ekonomik dhe avancimin e politikave të ambientit dhe të të drejtave të njeriut. Kosova është me fat që ka shumë miq dhe gëzon një mbështetje të madhe për të ardhmen e saj në familjen evropiane. HTH”, ka shkruar në Facebook Thaçi./Arbresh.info