Kryetari i komunës së Drenasit, Ramiz Lladrovci së bashku me Azem Sylën dhe Adem Grabovcin, kanë vizituar familjen e ish-presidentit Hashim Thaçit dhe familjen e ish-kryetarit të Kuvendit Kadri Veselit.

Lladrovci këtë ë ka bërë të ditur përmes një postimi në llogarinë e tij në Facebook, transmeton arbresh.info

Ai ka shkruar se kjo vizitë u bë për të theksuar se mungesa e dy liderëve, bëri që viti 2021 të ishte i rëndë për familjet e tyre.

“Së bashku, me miqtë e mi, Azem Sylën dhe Adem Grabovcin, kemi shkuar në Burojë dhe në Mitrovicë, te familja e Hashim Thaçit dhe të Kadri Veselit, për të theksuar se mungesa e liderëve tanë, bëri që viti 2021 të ishte vit i rëndë për familjet e tyre, për institucionet e vendit dhe të gjithë neve”, ka shkruar i pari i Drenasit.

Postimi i tij i plotë:

Së bashku, me miqtë e mi, Azem Sylën dhe Adem Grabovcin, kemi shkuar në Burojë dhe në Mitrovicë, te familja e Hashim Thaçit dhe të Kadri Veselit, për të theksuar se mungesa e liderëve tanë, bëri që viti 2021 të ishte vit i rëndë për familjet e tyre, për institucionet e vendit dhe të gjithë neve.

Vendi ynë, atdhetarët dhe qytetarët, në rrugën e drejtë të çlirimit dhe lirisë, patën shumë vështirësi. Vendimi i Gjyqit të Hagës që po mban padrejtësisht larg nesh prijësit tanë, solli sfidën e re, të cilën besojmë fort se do ta kalojnë faqebardhë.

Përgjithmonë mirënjohës ndaj familjeve Thaçi, Veseli dhe të gjithë atyre që me kontribut i dolën në mbrojtje atdheut, shtetformimit e shtetndërtimit. Drejtësia vonon por fiton!./arbresh.info/