Demokracia Studentore ka organizuar sot një aktivitet në oborrin e kampusit të UP-së saktësisht afër Kishës Ortodokse për të kundërshtuar vendimin e Gjykatës së Apelit që i jep të drejtë Kishës në hapësirat e UP-së të drejtë prone.

Kryetari i Demokracisë Studentore, Mexhid Ramusa tha se nuk lejojnë që kjo tokë tu mbetet regjimit serb por UP-së.Ai tha se e kundërshtojnë vendimin e Gjykatës së Apelit dhe se do të kërkojnë nga presidenti i vendit, që të shkarkojnë trupin gjykues të Gjykatës së Apelit.

Ndryshe ky aktivitet i studentëve është penguar nga Policia e Kosovës që nuk lejuan vendosjen e pankartës së studentëve tek objekti i Kishës dhe tek Rektorati dhe si rezultat i kësaj studentët u zotua se tani e tutje do të vazhdojnë të kërkojnë edhe shkarkimin e rektorit, Marjan Demaj.

“Ne e dimë që Rektorati ka neglizhuar punët edhe seancat në lidhje me këtë tokë. Asnjë student nuk e kundërshton këtë aktivitet. Kemi kërkuar që ta kryejmë brenda kishës por Policia nuk po na lejon, ne nuk konfrontohemi me Policinë ata janët tanët. Nuk e di pse nuk po na lejojnë”, tha Ramusa.