Gjykata Speciale ka konfirmuar vizitën në Kosovë të ish-presidentit të Kosovës, Hashim Thaçi.

Zëdhënësi i Dhomave të Specializuara, Michael Doyle, tha për Arbresh.info se vizita u lejua për arsye humanitare.

“Për arsye humanitare bindëse, Trupi Gjykues dhe Gjykatësja e Procedurës Paraprake kanë udhëzuar Zyrën Administrative që të menaxhojë një vizitë nën mbikqyrje në Kosovë të Hashim Thaçit për të takuar babain e tij. I akuzuari mbetet në paraburgim të Dhomave të Specializuara”, thuhet në përgjigjen e tyre.

Ndryshe, ish-presidenti i Kosovës, Hashim Thaçi ka arritur sot në Kosovë. Vizita e tij ka ardhur si rezultat i gjendjes së rëndësuar shëndetësore të babait të tij. Arbresh.info mëson se se aktualisht Thaçi ndodhet në ambientet e Klinikës Interne ku është duke u trajtuar babai i tij./Arbresh.info

LEXO EDHE:

Hashim Thaçi arrin në Kosovë për ta vizituar babanë e sëmurë