Shtyhet për nesër votimi për rezolutën e LDK-së për dialogun

20:22 | 31 Tetor 2018
A. B.

Shefi i Grupit Parlamentar të LDK-së, Avdullah Hoti, ka kërkuar nga kryetari i Kuvendit që të mos votohet sot rezoluta e propozuar sonte por të futet nesër si pikë e parë e rendit të ditës.

“Territori i Republikë së Kosovës është një dhe i pandashëm, dhe se as presidenti dhe askush tjetër nuk ka të drejtë të negocioi për tersin territoriale të Kosovës”, lexoi Hoti tekstin e rezolutës.

Gjatë ditës është mbajtur seanca e jashtëzakonshme e thirrur nga Lidhja Demokratike e Kosovë me vetëm një pikë të rendit të ditës, debati parlamentar për dialogun Kosovë-Serbi dhe tema e korrigjimit të kufijve.

LDK ka propozuar në rezolutën e saj që t’ia ndalojë secilit të flasë me Serbinë për çështjen e kufijve, njofton Klan Kosova.
Seanca e jashtëzakonshme është karakterizuar me përplasje, mospajtime dhe debate të gjata mes deputetëve lidhur me këtë temë dhe jo vetëm.