Dy bombola të gazit kanë shpërthyer në një vilë në Bogë ku kanë mbetur të lënduar katër persona.

Lajmin për arbresh.info e ka konfirmuar Zëdhënësi i Policisë së Kosovës për Rajonin e Pejës, Fadil Gashi.

Gashi tha se fillimisht të lënduarit janë dërguar në Spitalin e Pejës për trajtim, ndërsa më pas, tre nga katër të lënduarit janë dërguar në QKUK.

“Rreth orës 11:53 minuta, Policia është njoftuar se në fshatin Bogë në një vilë kanë shpërthyer dy bombola gazi dhe janë lënduar katër persona. Fillimisht ata janë dërguar në Spitalin rajonal të Pejës dhe më pas 3 prej tyre janë dërguar në QKUK”, deklaroi Gashi. /arbresh.info/