Shoferja godet me veturë një zyrtar policor dhe ikën nga vendi i ngjarjes në Prishtinë

20:29 | 3 Maj 2024
R J

Një zyrtar policor, i cili ishte në detyrë është goditur nga një shofere e cila ishte ndalur për kundërvajtje.

Kështu ka bërë të ditur zëdhënësja e Policisë për Rajonin e Prishtinës, Flora Ahmeti, ku tregoi se dyshuara ka goditur me automjet zyrtarin policor dhe është larguar nga vendi i ngjarjes.

Ahmeti, ka bërë të ditur se zyrtari i lënduar është dërguar për tretman mjekësor ndërkohë që policia është në kërkim të të dyshuarës.

“Sot rreth orës 19:00, në rrugën Prishtinë -Fushë Kosovë, një zyrtar policor, i cili ishte në detyrë, është goditur nga një person i dyshuar me automjet. E dyshuara femër, A.A, është ndalur nga policia për një kundërvajtje trafiku. E njëjta duke mos përfillë urdhërat e zyrtarit policor, për të dalë nga automjeti i cili duhej të konfiskohej, pasi ka goditur me automjet zyrtarin policor është larguar nga vendi i ngjarjes”, tha Ahmeti./Arbresh.info/