Në ditën e parë të vitit të ri shkollor drejtueseve të automjeteve u është bërë thirrje që të kenë kujdes gjatë vozitjes, sidomos afër shkollave.

Kjo thirrje është bërë nga Ministria e Arsimit, Shkencës, Teknologjisë dhe Inovacionit së bashku me Akademinë Tempulli dhe Asociacionin Kosovar të Motorizimit

“Ministria e Arsimit, Shkencës, Teknologjisë dhe Inovacionit së bashku me Akademinë Tempulli dhe Asociacionin Kosovar të Motorizimit AMRKS, ju bëjnë thirrje të gjithë pjesëmarrëseve në trafik për shtimin e kujdesit gjatë lëvizjes në rrugë. Kjo thirrje për rritjen e sigurisë në rrugë, ju drejtohet të gjithë ngasësve të mjeteve motorike që të janë vigjilentë dhe të veprojnë duke respektuar në plotni rregullat dhe shenjat e trafikut. Në mjedise shkollash, duhet të shtohet kujdesi në mënyrë që të rritet siguria e lëvizjes për fëmijët gjatë rrugës nga shtëpia në shkollë dhe anasjellas. Nga fëmijët kërkohet kujdes dhe vëmendje e shtuar gjatë kalimit të rrugës dhe lëvizjes së tyre në grup”, thuhet në komunikatën e MASHTI-it./arbresh.info/