Në një njoftim për media që është publikuar në webfaqen e NATO’s, thuhet se Stoltenberg dhe Mattis kanë folur për luftën kundër terrorizmit dhe Misionet e NATO’s në Afganistan dhe Kosovë.

Edhe zëdhënësi i Pentagonit, Jeff Davis, ka thënë se të dy sekretarët, kanë diskutuar edhe për rolin e NATO’s në Kosovë,

Kur është fjala për Kosovën, asnjëra palë nuk ka publikuar detaje të bisedës. Sido që të jetë edhe Mattiss në muajt e fundit kanë folur për ushtrinë e Kosovës. Mattis para se të konfirmohej si Sekretar i Mbrojtjes, në dëshminë  e tij para Kongresit kishte folur për FSK’në duke thënë se procesi i transformimit në ushtri duhet të ndodhë me ndryshime kushtetuese.

“Për më tepër, para se të jetë i arsyeshëm reduktimi i prezencës së trupave ushtarake amerikane, Forca e Sigurisë së Kosovës duhet të pranojë urdhrin për të administruar siguri të brendshme dhe mbrojtje territoriale, një zhvendosje e cila do të kërkonte ndryshime kushtetutore me mbështetje parlamentare”, kishte thënë ai, transmeton Gazeta Express.

Pas shpalosjes së iniciativës nga Presidenti Thaçi për krijimin e ushtrisë, NATO kishte dalë në mënyrë decidive kundër.  Ai ka deklaruar se ushtria nuk duhet lejuar që të bëhet përmes ligjit, por me anë të ndryshimeve kushtetuese.