Demush Shasha nga Instituti EPIK ka bërë të ditur se është bërë publik studimi i fundit ‘Politika e Zgjerimit dhe Ndryshimi Social’.

Shasha ka shkruar gjithashtu se sipas BB 29 vite i duhen vendeve të Ballkanit të arrijnë nivelin mesatar të leximit në BE-së, shkruan arbresh.info.

“29 vite. Kaq mendon Banka Botërore se do ti duhet vendeve të Ballkanit që të arrijnë nivelin mesatar të leximit në BE-së. Friedrich-Ebert-Stiftung ka publikuar studimin e fundit “Politika e Zgjerimit dhe Ndryshimi Social”, ka shkruar ai.

Ai ka shtuar gjithashtu se Kosova ka arsimin më të dobët pavarësisht se shpenzon më së shumti para nga të gjitha vendet e Ballkanit.

“Pjesa ndoshta më e rëndësishme për Kosovën është fakti që Kosova shpenzon në fushën e arsimit më së shumti nga vende të Ballkanit, por ka sistem më të dobët arsimor Me fjalë të tjera, nuk ka të bëjë me mungesën e parasë, por përdorimin e tyre”, ka shkruar ai./arbresh.info/