Një person është lënduar sot pasi është rrokullisur me veturë në rrugën Prishtinë – Gjilan.

Zëdhënësi i Policisë së Kosovës për rajonin e Gjilanit, Valon Osmani, ka konfirmuar rastin për Arbresh.info dhe ka thënë se personi i lënduar po merr trajtim mjekësor në Qendrën Emergjente të Spitalit Rajonal të Gjilanit.

“Rreth orës 09:45 është raportuar për një vetë aksident trafiku në aksin rrugor Prishtinë – Gjilan. Si pasojë një automjet ka përfunduar i rrukullisur. Përveç dëmeve materiale, lëndime të lehta trupore ka pësuar një person. Personi i lënduar, është duke marrë trajtim mjekësor në Qendrën Emergjente në Spitalin Rajonal të Gjilanit. Hetues policorë të aksidenteve nga Njësia e Trafikut Rajonal, ju kanë përgjigj rastit duke filluar hetimet në sqarimin e të gjitha rrethanave të këtij rasti”, tha Osmani./Arbresh.info