Rrokulliset një autobus në Rugovë të Pejës, lëndohen 17 persona

11:27 | 15 Shkurt 2025
E.K

Një autobus ka dalë nga rruga dhe është rrokullisur në Rugovë të Pejës, ku si pasojë kanë mbetur të lënduar 17 persona.

Lajmin e ka konfirmuar për Arbresh.info, zëdhënësi i Policisë së Kosovës për rajonin e Pejës, Driton Rugova.

Ai shtoi tutje se viktimat janë dërguar në emergjencën e Spitalit Rajonal në Pejë për tretman mjekësor, rasti është duke u hetuar nga Njësia e Trafikut Rajonal

“Sot rreth orës 00:50, Policia është njoftuar për një vetaksident i cili ka ndodhur ne fshatin Shkrel-Rugovë, në këtë vetaksident ishte i përfshirë një autobus i cili ka dalë nga rruga dhe është rrokullisur. Si pasojë shtatëmbëdhjetë (17) persona kanë pësuar lëndime trupore, të njëjtit janë dërguar në emergjencën e Spitalit Rajonal në Pejë për tretman mjekësor, rasti është duke u hetuar nga Njësia e Trafikut Rajonal”, tha ai./Arbresh.info