Ritet numri i grave protestuese në Jarinjë, situata e qetë

18:47 | 22 Shtator 2021

Të ulur afër zjarreve për tu ngrohur, serbët po vazhdojnë të mbajnë të bllokuar rrugën afër pikës kufitare në Jarinjë, në shenjë kundërshtimi të vendimit të Qeverisë së Kosovës për reciprocitetin për targat.

E në orët e para të mbrëmjes të së mërkurës, numri i protestueseve gra shihet që është më i madh se në herët e kaluara, raporton arbresh.info.

Kjo është dita e tretë e protestës së serbëve lokal. Situata atje është e qetë, ndërsa që të pranishëm janë edhe pjesëtarë të Njësisë Speciale të Kosovës.

Kryeministri i Kosovës, Albin Kurti, të mërkurën ka deklaruar se është i gatshëm ta anuloj këtë vendim nëse një gjë të tillë e bënë edhe Serbia./arbresh.info/

Shpërndaje në rrjete sociale

Lajmet më të lexuara