Kryetari i Lidhjes Demokratike të Kosovës (LDK), Lumir Abdixhiku ka reaguar pasi kanë rinisur punimet në “Rrugën A”.

Ai tha se shkalla e e dytë e Gjykatës Komericiale rrëzoi vendimin skandaloz të gjykatëses familjare.

Sipas tij kjo ndodhi sepse ishte joprofesional dhe shkelje e rëndë.

“Punimet në ‘Rrugën A’ rinisën sot! Shkalla e dytë e Gjykatës Komericiale rrëzoi vendimin skandaloz të gjykatëses familjare. E rrëzoi sepse ishte joprofesional; e rrëzoi sepse ishte shkelje e rëndë”, shkruan Abdixhiku.

Tutje ai shkruan se vendimet e urdhëresave politike s’mund të përfundojnë ndryshe.

Kreu i LDK-së tha se ekipit të Kryeqytetit u themi puna e mbarë, por qytetarët e Prishtinës nuk do ta harrojnë.

“Vendimet e urdhëresave politike s’mund të përfundojnë ndryshe. Popullistët, me gjithë mllefin e urrejtjen që bartin për punën e tjetrit na humbën veçse kohë. Do të duhej të kishin brenga tjera, do të duhej të kishin qëllime të tjera; sepse vendi ka nevoja plot. Ne vazhdojmë; ekipit të Kryeqyteti u themi puna e mbarë ju qoftë; e qytetarët e Prishtinës megjithatë nuk do të harrojnë”, shkruan ai./Arbresh.info/

LEXO EDHE:

Kthehet në rigjykim nga shkalla e dytë e Komerciales, çështja e pezullimit të ndërtimit të “Rrugës A”