Kryetari i Komunës së Preshevës, Shqiprim Arifi ka reaguar pas rezultateve të Kosovës në testin PISA.

Me anë të një postimi në Facebook, Arifi i ka vlerësuar këto rezultate si shqetësuese, shkruan Arbresh.info.

“Renditja e Kosovës në fund të listës për testin PISA, është shqetësuese për shoqërinë kosovare”, tha ai.

Ndërkaq kërkoi edhe dorëheqjen e ministres së Arsimit, Arbërie Nagavci.

“Dorëheqja e Ministres Nagavci është më e pakta që mund të veprohet!”, u shpreh ai.

Kosova është renditur pothuajse në vendet e fundit në rezultatet e testit të PISA-s për vitin 2022.

Kosova ka zënë vendin e 78-të nga 80 shtete pjesëmarrëse, pra ka rënie nga viti 2018 për 11 pikë.

Vendi ka zënë pozitën e 76-të për lexim, 77-të për shkencë si dhe pozitën e 74-të për matematikë./Arbresh.info/

LEXO EDHE:

Kosova pothuajse “në fund të pusit”, publikohen rezultatet e testit PISA