Kryeprokurori i Shtetit Aleksandër Lumezi në një intervistë për portalin “Arbresh.info” ka folur për rastin e Dafina Zhubit.

Ai thotë se kjo çështje nuk është mbyllur kurrë nga prokuroria, por se vetëm ishte ndërprerë masa e paraburgimit për personin e dyshuar.

Më tej Lumezi ka treguar që rasti është dërguar në Zvicër për një ekzaminim toksikologjik.

“Kjo lëndë faktikisht nuk është mbyllur kurrë nga prokuroria, por vetëm është ndërprerë masa e paraburgimit të personit, i cili ka qenë i dyshuar. Ne në ndërkohë i kemi bërë disa ekzaminime në Republikën e Kosovës, ato ekzaminime nuk kanë qenë të qarta dhe nuk kanë qenë bindëse për prokurorinë e shtetit që të vazhdojmë procedurën e mëtutjeshme me ngritjen e aktakuzës. Prandaj kemi kërkuar nga autoritetet zvicerane që t’i bëjmë disa ekzaminime toksikologjike në shtetin e Zvicrës, i kemi dërguar kërkesën, ata kanë pranuar që të marrin shkresën e lëndës. I kemi përkthyer krejt në gjuhën zvicerane ju kemi dërguar, tani po presim vetëm t’ua dërgojmë edhe analizat e gjakut dhe mostrat tjera që i kemi marrë nga trupi i viktimës në ekzaminim të mëtutjeshëm në shtetin e Zvicrës dhe pastaj varësisht nga rezultatet  e ekzaminimeve do të vazhdohet procedura penale, për momentin  e kemi pezulluar procedurën penale deri sa t’i sigurojmë këto prova në shtetin zviceran”, është shprehur kryeprokurori Lumezi.

Për detaje të tjera ndiqeni intervistën e plotë: