Kryetari i Komunës së Prishtinës, Përparim Rama, ka mirëpritur sot në Odën e Kryeqytetit znj. Mary Ann Hennessey, Shefen e Zyrës së Këshillit të Evropës në Prishtinë.

Rama tha se rritja e bashkëpunimit me Këshillin e Evropës, është shumë e rëndësishme pasi Kosova është në fzaën finale të anëtarësimit në Këshillin e Evropës.

Njoftimi i plotë:

Me shumë kënaqësi mirëprita sot në Odën e Kryeqytetit znj. Mary Ann Hennessey, Shefen e Zyrës së Këshillit të Evropës në Prishtinë.

Urova znj. Hennessey për marrjen e detyrës dhe biseduam për avancimin e aktiviteteve në fusha të ndryshme, si siguria e drejtësia dhe arritja e barazisë së qytetarëve.

Rritja e bashkëpunimit me Këshillin e Evropës është shumë e rëndësishme pasi Republika e Kosovës është në fazën finale të anëtarësimit në Këshillin e Evropës.

Falënderova zonjën Hennessey për mbështetjen që na ofron ne si Kryeqytet dhe gjithë vendit, dhe e sigurova për gatishmërinë tonë për projekte të përbashkëta.

Prishtina po bëhet për festën e anëtarësimit./Arbresh.info/