Zëdhënësi i Lëvizjes Vetëvendosje, Arlind Manxhuka, i ka kërkuar kryeministrit Edi Rama që të përgjigjet qartë dhe pa eskivazhe lidhur me pretendimet për përfshirjen e tij në themelimin e Gjykatës Speciale.

Manxhuka tha se Rama duhet të sqarojë nëse ka ardhur me helikopter në Kosovë për të ndikuar në votimin e Gjykatës Speciale, si dhe të tregojë qëndrimin e tij dhe të Vetëvendosjes ndaj kësaj gjykate.

Postimi i plotë:

Kryeministri Rama mund të përpiqet të nxirret me eskivazhe të padenja e përshtypje personale, ose mundet edhe të adresojë dhe përgjigjet shkurt e saktë në pikat kryesore që përmban deklarata e Lëvizjes VETËVENDOSJE!.

Më konkretisht ai mund të tregojë:

1. Ka ardhur apo jo me helikopter në Kosovë për të bindur deputetët e Kuvendit të Kosovës që ta votojnë themelimin e Gjykatës Speciale? Pra, a e ka mbështetur dhe shtyer ai themelimin e Gjykatës Speciale?

2. Cili ka qenë dhe vazhdon të jetë qëndrimi i LVV rreth Gjykatës Speciale? E ka votuar dhe mbështetur, apo e ka refuzuar dhe është përndjekur duke protestuar kundër themelimit të saj?

3. Në cilat raste dhe në cilat data, në cilat organizata ndërkombëtare ku Shqipëria është anëtare me të drejta të plota, apo pjesëmarrëse në takimet zyrtare, Rama ka ngritur shqetësimet e tij rreth padrejtësisë që po i bëhet Kosovës në Hagë? Kur i ka ngritë këto shqetësime në OKB, kur në Këshillin e Evropës, kur në OSBE dhe kur në NATO?

Të tjerat janë vetëm për konsum personal e madje as për konsum të brendshëm politik./Arbresh.info

Edi Rama i reagon ashpër Vetëvendosjes: Po i ngatërroni raportet ndërshtetërore me çorbën e balotazheve komunale

VV-ja përkrah protestën në Tiranë, qëndrimi për Gjykatën mbet i pandryshuar