Prokuroria Speciale e Kosovës (PSRK) ka nisur hetimin e rastit për alergjinë që u është shfaqur  26 zyrtarëve në Shërbimin e Votuesve, pas hapjes së kutive të votimit të ardhura nga Serbia.

Lajmin e ka bërë të ditur për arbrsh.info, zëdhënësi i Prokurorisë Speciale të Kosovës, Ekrem Lutfiu.

“ Një prokuror i  Prokurorisë Speciale ka  dal në vendin e ngjarjes për të marrë veprimet konkrete  lidhur me këtë çështje”, është shprehur Lutfiu.

Ndryshe, Qendra Klinike Universitare e Kosovës (QKUK) ka dhënë detaje për rastin e zyrtarëve të Shërbimit të Votuesve, gjendja e të cilëve është keqësuar nga kutitë  me vota nga Serbia.

Sipas QKUK-së dy nga nëntë paciente që i janë nënshtruar ndihmës mjekësore,  janë shtatzënë.

QKUK bën të ditur se në ora,11:58, në Klinikën Infektive të  kësaj qendre, janë lajmëruar 9 pacientë të gjinisë femrore, dy prej tyre shtatzënë, me  kruarje të duarve të intenzitetit të ultë. Dy nga to kanë patur edhe vjellje.  Të gjitha kishin ndjenjë diskonforti dhe frikë. Të të gjitha rastet nuk ka patur sindromë infeksioze dhe gjendja e përgjithshme është stabile./arbresh.info

https://www.facebook.com/arbresh.info/videos/470555800470032/