Prezente në varrimin e Hamide Magashit, ministrja Haxhiu: Qoftë e fundit kjo viktimë

17:47 | 2 Dhjetor 2022
E.H

Ministrja e Drejtësisë, Albulena Haxhiu, ka marr pjesë në varrimin e Hamide Magashit, e cila u vra nga ish-bashkëshorti i saj, Sokol Halili.

Pas ceremonisë së varrimit, Haxhiu përkujtoi edhe njëherë viktimën përmes një postimi në rrjetin social Facebook.

“Të pikëlluar e me zemër të thyer u mblodhëm në varrimin e gruas e cila tragjikisht u vra, një ditë para se të bëhej nënë. Hamide Magashi dhe foshnja e saj e palindur tashmë janë në amshim, por prezenca e tyre do të mbetet gjatë në kujtimin e të gjithëve, duke reflektuar për të mos lejuar kurrë më veprime të tilla”, shkroi Haxhiu.

Ministrja uroi që raste të tilla të viktimave të mos përsëriten.

“Qoftë e fundit kjo viktimë! Qoftë i paharruar kujtimi për të!”, shkroi ajo në fund./arbresh.info/