Në vazhdën e hetimeve lidhur me një rast të dyshuar, Policia e Kosovës ka zbuluar dhe tërhequr dy granata dore në afërsi të parkut të qytetit të Prizrenit.

Pas pranimit të informatave, njësia e hetuesisë, së bashku me njësitë për deminim të Policisë së Kosovës, ka ndërmarrë veprimet e nevojshme për të siguruar zonën.

Granatat dyshohet se janë të lidhura me personin e dyshuar, i cili është përfshirë në hetime.

“Rr. Adem Jashari, Prizren / 04.12.2024 – 15:20. Në vazhdën e hetimeve lidhur me rastin, policia pas pranimit të informatave, më 05.12.2024 njësia e hetuesisë bashkë me njësitë për deminim të PK-së në afërsi të parkut të qytetit kanë gjetur dhe tërhequr dy granata dore që dyshohet se janë të personit të dyshuar. Rasti në hetime”, thuhet në raport./Arbresh.info