Policia e Kosovës, Drejtoria Rajonale e Pejës ka shpallur në kërkim 24 vjeçarin nga Deçani, Ujkan Lataj.

Ai po kërkohet nga organet e ndjekjes  nën dyshimin për veprën penale të grabitjes, raporton Arbresh.info.

Në kërkesën e policisë me autorizimin e Prokurorisë  Themelore nё Pejё, kërkohet ndihmë për lokalizimin dhe rrjedhimisht arrestimin e tij.

“Policia e Kosovës – Drejtoria Rajonale e Policisë në Pejë, bazuar në ligj  për publikimin e fotos me shënime tjera të personit të kërkuar më autorizimin e Prokurorisë  Themelore nё Pejё, me qëllim lokalizimin dhe rrjedhimisht arrestimin e tij, lëshon: Kërkesë për bashkëpunim me qytetarët. Personi i kërkuar është:  UJKAN (Luan) LATAJ  i lindur me 02.08.2001 nё fshatin Carrabreg- Deçan.I pandehuri është i kërkuar për veprat penale: GRABITJE”, thuhet në kërkesën e policisë.

Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor./Arbresh.info/