Policia e Kosovës respektivisht Drejtoria Rajonale e Policisë në Gjilan kërkon bashkëpunimin e qytetarëve për identifikim, lokalizimin dhe arrestimin e dy personave.

Në njoftimin e policisë thuhet se kushdo që ka informacion për identitetin, të dhënat personale apo vendndodhjen e personave në foto, të lajmëroj Policinë e Kosovës në stacionin më të afërm ose përmes aplikacionit “Lajmëro Policinë.

Të dhënat e juaja do të ruhen në konfidencialitet të plotë, transmeton arbresh.info.

Njoftimi i plotë:

Policia e Kosovës, Drejtoria Rajonale e Policisë në Gjilan, bazuar në ligjin për publikimin e imazheve-fotografive dhe shënimeve të tjera të personit të kërkuar dhe në bazë të Autorizimit të Prokurorisë Themelore në Gjilan, me qëllim identifikimin, lokalizimin dhe arrestimin e të dyshuarit lëshon këtë kërkesë për bashkëpunim me qytetaret dhe mediat.

Policia e Kosovës, Drejtoria Rajonale Gjilan kërkon nga mediat dhe qytetarët e Republikës së Kosovës që kushdo që ka informacion për identitetin, të dhënat personale apo vendndodhjen e personit në foton e bashkangjitur, të lajmërojë Policinë e Kosovës në stacionin më të afërt policor apo përmes aplikacionit digjital “Lajmëro Policinë’’, E-mail: [email protected] dhe numrat kujdestarë:192; 03850807001.

Të dhënat e juaja do të ruhen në konfidencialitet të plotë./arbresh.info/